Як не любіць нашу родную мову, такую мілагучную і напеўную?! Як хораша і каларытна гучаць словы па-беларуску! Хто паспрабаваў смак беларускай мовы, той ніколі яго не забудзе.

Традыцыйна 21 лютага у школе прайшлі мерапрыемствы, якія былі прымеркаваны да свята роднай мовы. Раніцай вучні - моваведы разам з настаўнікамі - філолагамі Худыбінай А.В., Еўтушковай Л.А. сустракалі кожнага пад вясёлую музыку і прапаноўвалі “лайкнуць” або паставіць падабайку на білбордзе, на якім быў адлюстраваны надпіс:“ Мама=мова.Любіш маму?” (Напэўна, многія сустракалі гэтыя словы, яны ўпрыгожваюць вуліцы гарадоў нашай краіны).

Ніхто не застаўся абыякавым.Усе жадаючыя ў гэты дзень маглі адгадаць загадкі, растлумачыць фразеалагізмы, расказаць прыказкі ці прымаўкі,сабраць вянок з беларускіх кветак, прыняць удзел у завочным падарожжы па роднай мове.